🪐6 முதல் 9 ஆம் வகுப்பு வரை மதிப்பீடு சார்ந்த வினாடி வினா நடத்துதல் - வழிகாட்டி நெறிமுறைகள் வெளியீடு.

மாநிலத் திட்ட இயக்குநர், பள்ளிக் கல்வி இயக்குநர் மற்றும் தொடக்கக்கல்வி இயக்குநர்களின் இணைச் செயல்முறைகள் விவரம் 👇

Click here

Quiz-Program

அரசுப் பள்ளி மாணவர்கள் சிந்தித்து சாதிக்கும் தலைமுறைகளாக மாறும் வகையில் அவர்களின் கருத்தியல் புரிதல், பகுப்பாய்வு சிந்தனை மற்றும் மதிப்பீட்டு நடைமுறைகளை வலுப்படுத்தும் வகையில் உயர்தொழில்நுட்ப ஆய்வகத்தில் வினாடி வினா நடத்தப்பட உள்ளது.

மாணவர்களின் உயர்திறன் வினாக்களுக்கு பதிலளிக்க பழக்கும் விதமாகவும், சிந்தனைத் திறனை வளர்க்கும் விதமாகவும், மாணவர்களை கணினி வழி போட்டித்தேர்வுகளுக்குத் தயார்படுத்தும் விதமாகவும், உயர்தொழில்நுட்ப ஆய்வகத்தினை சிறப்பாக பயன்படுத்தும் நோக்கத்திலும் இந்த மதிப்பீடானது மாணவர்களுக்கு நடத்தப்படுகிறது.

இது தொடர்பாக புதிய உயர் தொழில்நுட்ப ஆய்வகங்கள் அமைந்துள்ள அனைத்து நடுநிலை, உயர் மற்றும் மேல்நிலைப் பள்ளிகளிலும் கணினி வழி வினாடி வினா நடத்துதல் தொடர்பாக பின்வரும் வழிகாட்டுதல்கள் வழங்கப்பட்டுள்ளன.

1. தமிழ்நாட்டில் உள்ள அனைத்து மாவட்டங்களிலும் உள்ள உயர் தொழில்நுட்ப ஆய்வகங்கள் அமைந்துள்ள அனைத்து அரசுப் பள்ளிகளிலும் இணைப்பு 1 இல் உள்ளவாறு 6 முதல் 9 ஆம் வகுப்பு மாணவர்களுக்கான வினாடி வினா நிகழ்வுகளை நடத்த வேண்டும்.

2. இந்த வினாடி வினா நிகழ்வை உயர் தொழில் நுட்ப ஆய்வகங்கள் அமைந்துள்ள அரசுப் பள்ளிகளில் நடத்த வேண்டும்.

3. உயர் தொழில்நுட்ப ஆய்வகத்தில் ஏற்படும் தொழில்நுட்பக் குறைபாடுகள், வினாத்தாள்களை உருவாக்கும்போது ஏற்படும் சிக்கல்களுக்குத் தீர்வு காண 14417 என்ற கட்டணமில்லாத்தொலைபேசிச் சேவையைப் பயன்படுத்த ஆசிரியர்களுக்கு அறிவுறுத்த வேண்டும்.

cckkalviseithikal

4. ஒரு பாடத்திற்கு 4 வினாக்கள் வீதம் 5 பாடத்திற்கு மொத்தம் 20 வினாக்கள் கொண்ட வினாத்தாளை உருவாக்க வேண்டும். மாணவர்களுக்கு 30 நிமிடம் கால அளவாக நிர்ணயிக்க வேண்டும்.

5. உயர்தொழில் நுட்ப ஆய்வகம் அமைந்துள்ள பள்ளிகளில் உள்ள அனைத்து ஆசிரியர்களும் இணைப்பு 2 இல் உள்ள வழிமுறைகளில் புலமை பெற்றிருப்பதை உறுதி செய்ய வேண்டும்.

6. உயர்தொழில்நுட்ப ஆய்வகம் வழியாக தொடர்ச்சியாக வினாடி வினா நடைபெறுவதை அனைத்து மாவட்ட முதன்மைக் கல்வி அலுவலர்களும் உறுதி செய்ய வேண்டும்.

மேற்குறிப்பிட்டுள்ள நெறிமுறைகளை செயல்படுத்துமாறு அனைத்து மாவட்ட முதன்மைக் கல்வி அலுவலர்களுக்கும், அனைத்து மாவட்டக் கல்வி அலுவலர்கள் (தொடக்கக்கல்வி) அவர்களுக்கும் அறிவுறுத்தப்படுகிறது.

வழிகாட்டு நெறிமுறைகள்

உதவித் திட்ட அலுவலர் (APO)

உயர்தொழில்நுட்ப ஆய்வகங்கள் அமைந்துள்ள அனைத்துப் பள்ளிகளிலும் இணைப்பு 1-இல் கொடுக்கப்பட்டுள்ள அட்டவணைப்படி வினாடி வினா மதிப்பீடுகள் நடைபெறுவதற்குத் தேவையான ஆயத்தப் பணிகள் நடைபெறுவதை உறுதி செய்ய வேண்டும்.

பள்ளிகள் தோறும் மதிப்பீடுகள் நடைபெறுவது தொடர்பான விவரங்களை உடனுக்குடன் மாவட்ட முதன்மைக் கல்வி அலுவலருக்குத் தெரிவிக்க வேண்டும்.

மாவட்ட ஒருங்கிணைப்பாளர் - மதிப்பீடு மற்றும் மாவட்ட ஒருங்கிணைப்பாளர்

(DC Assessment and DC HiTech Lab):

உயர்தொழில்நுட்ப ஆய்வகங்கள் அமைந்துள்ள அனைத்துப் பள்ளிகளிலும் வினாடி வினா மதிப்பீடு நடைபெறுவதை உறுதி செய்ய வேண்டும்.

உயர்தொழில் நுட்ப ஆய்வகத்தில் ஹார்ட்வர்[Hardware] அல்லது இன்டர்நெட் குறைகள் இருப்பின் Field Engineer உதவியுடன் அதை சரி செய்ய வேண்டும்.

ஆசிரியர் பயிற்றுநர் (BRTE):

உயர்தொழில்நுட்ப ஆய்வகங்கள் அமைந்துள்ள அனைத்துப் பள்ளிகளிலும் வினாடி வினா மதிப்பீடு நடைபெறுவதை உறுதி செய்ய வேண்டும்

வினாடி வினா நடைபெறும் நாட்களில் நடுநிலைப் பள்ளிகளைப் பார்வையிட்டு மதிப்பீடு சார்ந்து ஆசிரியர்களுக்கு உதவ வேண்டும்.

பார்வையிடும் பள்ளிகளில் மாணவர்களின் 100 சதவீதம் பங்கேற்பினை உறுதி செய்ய வேண்டும்.

ஆசிரியர் பயிற்சி நிறுவன விரிவுரையாளர்கள்

வினாடி வினா நடைபெறும் நாட்களில் பள்ளிகளைப் பார்வையிட்டு மதிப்பீடு நடைபெறுவதை உறுதி செய்ய வேண்டும்.

வினாடி வினா மதிப்பீடுகள் முடிந்த பின்பு மாணவர்களின் கற்றல் திறனை ஆய்வு செய்து மேம்படுத்த வேண்டிய கற்றல் விளைவுகளைக் கண்டறிந்து அதன் அடிப்படையில் ஆசிரியர்களுக்கு சிறப்பு பயிற்சிகளை அளிக்க வேண்டும்.

cckkalviseithikal

தலைமையாசிரியர்:

உயர் தொழில்நுட்ப ஆய்வகத்தை சுத்தமாக வைத்திருக்க வேண்டும்.

வினாத்தாள் உருவாக்குதல் நிகழ்வு வினாடி வினா மதிப்பீடு நடைபெறுவதற்கு 2 நாட்களுக்கு முன்பாகவே முடிக்கப்படுவதை தலைமை ஆசிரியர் உறுதி செய்ய வேண்டும்.

வினாடி வினா மதிப்பீடு கால அட்டவணை அனைத்து மாணவர்களுக்கும் தெரியப்படுத்தப்படுவதை உறுதிப்படுத்துங்கள்.

தலைமை ஆசிரியர் வினாத்தாள் உருவாக்குதல் நிகழ்வு நடைபெற்றதையும், மாணவர்களுக்கு மதிப்பீடு வினாடி வினா நடைபெற்றதையும் DC மற்றும் CEO அலுவலகத்திற்கு தெரியப்படுத்த வேண்டும்.

இணைப்பு இல் கொடுக்கப்பட்டுள்ள அட்டவணையின் படி வினாடி வினாவிற்கான நிகழ்வுகள்[Event Creation] மதிப்பீட்டுப் புலத்தால்[Assessment Cell] உருவாக்கப்படும். எனவே ஆசிரியர்கள் எந்த ஒரு நிகழ்வுகளையும்[Event Creation] உருவாக்க வேண்டாம் என்று கேட்டுக்கொள்ளப்படுகிறார்கள்.

வகுப்பாசிரியர்:

பிற பாட ஆசிரியர்களுடன் கலந்தாலோசித்து வகுப்பாசிரியர் மட்டுமே வினாத்தாள் உருவாக்கும் நிகழ்வை மேற்கொள்ள வேண்டும்.

வினாத்தாள் உருவாக்கிய பின்னர் மாற்ற இயலாது என்பதால் மிகக் கவனமுடன் வினாத்தாள் உருவாக்கும் நிகழ்வை மேற்கொள்ள வேண்டும்.

உயர் தொழில்நுட்ப ஆய்வகத்தில் ஏற்படும் ஐயங்களையும் குறைகளையும் போக்க 14417 என்ற எண்ணில் தொடர்பு கொண்டு தெரிவிக்க வேண்டும்.

ஒரு பாடத்திற்கு 4 வினாக்கள் வீதம் 5 பாடத்திற்கு மொத்தம் 20 வினாக்கள் கொண்ட வினாத்தாளை உருவாக்க வேண்டும். மாணவர்களுக்கு 30 நிமிடம் கால அளவாக நிர்ணயிக்க வேண்டும்.

வினாடி வினா மதிப்பீடு முடிந்த பிறகு விடைத்தாளை ஆசிரியர் டாஷ்போர்டில் [dashboard] இருந்து பதிவிறக்கம் செய்து வகுப்பில் மாணவர்களுடன் விவாதியுங்கள்.

ஆசிரியர்கள் வினாடி வினா மதிப்பீடு நடைபெறும் நேரத்தில் வினாக்களுக்கு பதிலளிக்க சிரமப்படும் மாணவர்களுக்கு அவர்கள் புரிந்து பதிலளிக்க உதவுவதற்கு மாறாக, வினாடி வினா முடிவடைந்த பின்பு மாணவர்கள் சிரமப்படும் பாடப்பகுதிகளை அறிந்து அவர்களுக்கு பயிற்சி அளிக்க வேண்டும்.

cckkalviseithikal

ஆசிரியர்கள் மதிப்பீடு முடிந்த பிறகு மாணவர்களின் மதிப்பெண்களையும், விடைக்குறிப்புகளையும் தரவிறக்கம் செய்து கொண்டு கற்றல் திறனில் முன்னேற்றம் தேவைப்படும் மாணவர்களுக்கு உதவ வேண்டும்.