💥ஐந்து பகுதிகளாக கூட்டுறவு சங்கங்களுக்கு தேர்தல் நடத்த முடிவு. 

முதல் பகுதியில் 7405 தொடக்கக் கூட்டுறவு சங்கங்களுக்கு நான்கு கட்டங்களாக தேர்தல் நடத்த முடிவு செய்யப்பட்டுள்ளது.

11.09.2026 அன்று தமிழ்நாடு மாநில கூட்டுறவுச் சங்கங்களின் தேர்தல் ஆணையர், கூட்டுறவுச் சங்கங்களின் பதிவாளருக்கு அனுப்பியுள்ள கடிதத்தின் விவரம் 👇 

Society Election

பொருள்:

கூட்டுறவுச் சங்கங்களுக்கான தேர்தல் எதிர்வரும் ஒட்டுமொத்த தேர்தல்கள் ஐந்து கட்டங்களுக்கான (Phase I முதல் Phase V) சங்கங்களின் பட்டியல்கள் கோரப்பட்டது - தொடர்பாக.

தங்களிடமிருந்து மின் அஞ்சல் மூலம் பெறப்பட்ட படிவ விவரங்கள் மற்றும் பார்வையில் கண்டுள்ள கடிதங்களின்பால் தங்களது கவனம் ஈர்க்கப்படுகிறது.

 பார்வை 2-ல் குறிப்பிடப்பட்டவாறு தங்களிடமிருந்து மின் அஞ்சல் மூலம் பெறப்பட்ட கட்டம் 1 (Phase I)-ல் 38 மண்டலங்களில் தேர்தல் நடத்த வேண்டிய சங்கங்களின் எண்ணிக்கை மட்டும் அடங்கிய பட்டியல்கள் சரிபார்க்கப்பட்டன.

 கட்டம் 1 (Phase I)-ல், தேர்தல்கள் நடத்தப்பட வேண்டிய 7405 தொடக்கக் கூட்டுறவு சங்கங்களின் தேர்தல்களை ஆணையத்தால் நான்கு நிலைகளில் நடத்திட உத்தேசிக்கப்பட்டுள்ளது. 

எனவே Phase 1-ல், 4 நிலைகளில் (நிலை I-IV தனித்தனியாக) நடத்தப்பட வேண்டிய சங்கங்களின் விவரங்களை மாவட்ட வாரியாக பட்டியலிட்டு, ஒவ்வொரு நிலையிலும் தேர்தல் நடத்தப்பட வேண்டிய சங்கங்களின் விவரங்களை உடனடியாக மின் அஞ்சல் மூலமும், Hard copy மூலமும் அனுப்பி வைக்கும்படி கேட்டுக் கொள்ளப்படுகிறது. 

மேலும் கட்டம் 2 முதல் 5 வரையிலான சங்கப் பட்டியல்களை விரைந்து அனுப்பிட கேட்டுக் கொள்ளப்படுகிறது.

இவ்வாறு அந்த கடிதத்தில் தெரிவிக்கப்பட்டுள்ளது. 

முதல் கட்டத் தேர்தல் தொடக்க நிலையில் சிறிய அளவில் உள்ள சங்கங்களுக்கு நடைபெற உள்ளது. 

விரைவில் தேர்தல் குறித்த அறிவிப்பு வெளியாகும் என எதிர்பார்க்கப்படுகிறது.